Інтэрактыўная пляцоўка “Беларусь. Незабыўныя дні вызвалення” ладзілася на пасялковым свяце прысвечаным Дню Незалежнасці Рэспублікі Беларусь і 80-годдзю вызвалення Беларусі ад нямецка-фашысцкіх захопнікаў.
Для наведвальнікаў свята на пляцоўцы, якую арганізавала Бягомльская гарпасялковая бібліятэка імя П.Панчанка, прапанавалі некалькі заданняў, аб’яднаных адной тэмай. Спачатку трэба было атрымаць перамогу ў “танкавым баі” у шашкі, затым знайсці на карце дату вызвалення пэўнага горада, скласці пазл з фотаздымка і стаць удзельнікам інтэрактыва “Прачытай. Даведайся. Запомні” ля кніжнай выставы. За выконванне кожнага задання ўдзельнікі атрымоўвалі салодкі прыз, за праходжанне ўсяго квэста – кніга “Памяць. Докшыцкі раён”.
