У рамках сумеснага праекта ўстаноў культуры па формах нестацыянарнага абслугоўвання насельніцтва ”Навстречу новым возможностям“ у вёсках Осава, Юхнаўка, Камайск Докшыцкая цэнтральная раённая бібліятэка арганізавала літаратурную гасцёўню ”Паэты не нараджаюцца выпадкова“, якая прымеркавана да тыдня роднай мовы.
Вядучая мерапрыемства расказала жыхарам вёсак пра беларускіх пісьменнікаў-юбіляраў 2025 года. Больш падрабязна чытачы вёсак пазнаёміліся з лютаўскімі юбілярамі. Гэта Іван Навуменка і Рыгор Барадулін. Гучалі вершы пісьменнікаў, цікавыя факты з іх жыцця.
Прыцягвала ўвагу прысутных выстава кніг пісьменнікаў-юбіляраў.
Работнікі сектара нестацыянарнага абслугоўвання (Аўтаклуб) парадавалі жыхароў вёсак музычным віншаваннем.
