У аграгарадку Бярозкі прайшло свята ”Бярозавы сок – здароўя глыток“.
Вясковы фэст, прысвечаны прыгажуні беларускіх лясоў – беластвольнай бярозцы, сабраў шмат гасцей. Вядучыя свята Лявоніха і Сымоніха запрашалі ўсіх весела і з карысцю правесці час.
Работа тэматычных пляцовак, выстава-дэгустацыя-конкурс ”Бярозавы фрэш“, конкурс мастацкай творчасці ”Бярозкі дзіўнае святло“, гульнёвая пляцоўка ”Бярозавы волат“ і дзіцячыя атракцыёны – усё гэта прэзентаваў Бярозкаўскі край.
Гасцей свята віталі старшыня Бярозкаўскага сельскага Савета дэпутатаў Таццяна Славікоўская, галоўны спецыяліст аддзела ідэалагічнай працы і па справах моладзі райвыканкама Таццяна Гайчук.
